Glaekit excitement spills fae brecht buckets 

plastic spades dangle riddy

taes dig in

lungs suck in slurps o saliferous air 

as cauld sea-swell fills in sweemers,

we dingy man-made boundaries

aa in the name o adventure.

Afore oor een – hunners o black holes –

ooter rings o possibility

cheap goggles strapped tae sunburnt chikks

we giggle at creatures nivver seen in toons 

watch them dunce tae ripples fae lobbed steens

they’re trappit in pools, only free tae roam 

eence the tide coories in, droonin oor dreams.